Анамальна цёплая зіма стварае ўмовы для ранняй актывізацыі іксодавых кляшчоў. Нават у студзені медыкі зарэгістравалі 4 выпадкі прысмоктвання іксодавых кляшчоў: у Гомельскай і Гарадзенскай вобласцях ды ў Менску, паведамляе прэсавая служба Міністэрства аховы здароўя.
У мінулым годзе першыя пацярпелыя ад кляшчоў звярнуліся да лекараў толькі ў лютым. У гэтым годзе першыя пацыенты паступілі ў шпіталі ў студзені.
Медыкі нагадваюць, што падчас наведання лесу варта апранацца такім чынам, каб перашкодзіць пранікненню кляшчоў пад вопратку. Пры выяўленні кляшча на целе неабходна звярнуцца ў шпіталь. Калі няма магчымасці патрапіць да лекара, то неабходна дастаць кляшча са скуры самастойна. Месца прысмоктвання апрацаваць любым спіртавым растворам.
СК belsat.eu