Журналістаў Алеся Дзянісава і Алеся Кіркевіча хочуць аштрафаваць за сюжэт пра таямніцы гарадзенскіх сутарэнняў, які быў апублікаваны на Belsat.eu.
Журналісты позву ў міліцыю не атрымалі. Але паводле неафіцыйнай інфармацыі, герояў сюжэту ўжо запрасілі ў міліцыю «на размову».
Часцей за ўсё журналістаў, якія супрацоўнічаюць з нашым тэлеканалам, штрафуюць за парушэнне арт. 22.9 КаАП (праца на замежнае СМІ без акрэдытацыі).
Сёлета ў лістападзе Алеся Дзянісава аштрафавалі за распаўсюд «экстрэмісцкіх» відэа на персанальнай старонцы ў сацыяльных сетках. Яшчэ ў сакавіку 2017 года Дзянісаў перапосціў са старонкі беларускіх анархістаў ва «УКантакце» відэа пра ўдзелу анархістаў у «маршах недармаедаў».
Перад самым Новым годам штрафы і новую позву ў суд таксама атрымалі незалежныя журналісты Мілана Харытонава і Алесь Ляўчук.
ЮВ, belsat.eu