У інтэрв’ю выданню РБК кіраўнік вонкавапалітычнага ведамства Расеі Сяргей Лаўроў пракаментаваў чуткі пра тое, што Уладзімір Пуцін збіраецца стаць кіраўніком Саюзнай дзяржавы Беларусі і Расеі.
«У Саюзнай дамове няма нічога, што магло б падвесці да спекуляцыяў пра тое, што мэта – вывесці кагосьці на «прэзідэнцкі трон». Прачытайце. Вы ж прафесіяналы. Там няма гэтага», – сказаў Лаўроў.
Адным з першых пра план Пуціна ўзначаліць Саюзную дзяржаву распавёў галоўны рэдактар «Эхо Москвы».
Нагадаем, што размовы пра рэвізію дамовы аб Саюзнай дзяржаве пачаліся напрыканцы 2018 года. Напачатку 2019 была створаная міжурадавая працоўная група ў пытаннях інтэграцыі Расеі і Беларусі. З расейскага боку гэтую групу ўзначаліў міністр эканамічнага развіцця Максім Арэшкін, з беларускага – міністр эканомікі Дзмітрый Круты.
ЮВ, belsat.eu