23-гадовая Тоні-Эн Сінгх з Ямайкі стала пераможцаю конкурсу прыгажосці «Міс свету». Пра гэта паведамляе Twitter арганізатараў падзеі.
Фінал прэстыжнага конкурсу прайшоў 14 снежня ў Лондане. Новая «Міс свету» нарадзілася ў Порт-Моранце, вывучае псіхалогію і феміналогію ва Універсітэце штата Фларыда (ЗША).
@piersmorgan gets first interview with #MissWorld pic.twitter.com/zo09DKZZRx
— Miss World (@MissWorldLtd) December 14, 2019
У сваім Twitter пераможца пажадала ўсім дзяўчатам верыць у сябе.
«Калі ласка, ведайце, што вы вартыя і здольныя дасягаць сваіх мараў. Карона не мая, але вашая. У вас ёсць мэта», – заявіла Тоні-Эн Сінгх.
To that little girl in St. Thomas, Jamaica and all the girls around the world – please believe in yourself. Please know that you are worthy and capable of achieving your dreams. This crown is not mine but yours. You have a PURPOSE. pic.twitter.com/hV8L6x6Mhi
— Toni-Ann Singh (@toniannsingh) December 14, 2019
Гэта чацвёрты трыумф Ямайкі на конкурсе «Міс свету» (у апошні раз прадстаўніца вострава заваёўвала тытул у 1993 годзе).
Другое месца заняла францужанка Афелія Мэзін, а трэцяе – Суман Ратансінгх Рао з Індыі.
Прадстаўніца Індыі таксама атрымала тытул «Міс Азія», а Францыі – «Міс Еўропа». «Міс Карыбскіх астравоў» стала дзяўчына з Трынідаду і Табага, Акіяніі – з Астравоў Кука, Афрыкі – з Нігерыі, а Амерыкі – з Бразіліі.
МГ belsat.eu