23 пункты пропуску праз дзяржаўную мяжу Беларусі ажыццяўляюць праверку грамадзянаў КНР на магчымае заражэнне каронавірусам, паведаміла прэс-служба Міністэрства аховы здароўя Беларусі.
«У пунктах пропуску на дзяржаўнай мяжы праводзіцца ўзмоцнены санітарна-каранцінны кантроль асобаў, якія прыбываюць на тэрыторыю краіны, у тым ліку з выкарыстаннем цеплавізійнага абсталявання (у РУП Нацыянальны аэрапорт Менск забяспечана правядзенне падвойнага санітарна-каранціннага кантролю)», – гаворыцца ў паведамленні на сайце Мінздароўя.
Паводле ведамства, 1-4 лютага праз санітарна-каранцінны кантроль Нацыянальнага аэрапорту прайшло больш за 51 тысячу пасажыраў.
«У трох з іх выяўленыя сімптомы інфекцыйнага захворвання, гэтыя грамадзяне быў шпіталізаваны. Вынікі абследавання на новы каронавірус адмоўныя», – адзначае Міністэрства аховы здароўя.
Ужо зафіксавана больш за 20 тысяч выпадкаў захворвання на каронавірус у 28 краінах.
ЮВ belsat.eu
