Кіраўнік брытанскага Міністэрства абароны Гэвін Ўільямсан адпраўлены ў адстаўку па выніках расследавання ўцечкі інфармацыі з закрытых перамоваў Рады нацыянальнай бяспекі, на якіх абмяркоўваліся перспектывы супрацы з кітайскай кампаніяй Huawei у стварэнні сетак 5G.
Яго пераемнікам прызначаная цяперашні міністр міжнароднага развіцця Пені Мордант, якая стане першай жанчынай на гэтай пасадзе ў Брытаніі.
Уцечка адбылася 24 красавіка. Праз яе стала вядома, што прадукцыя Huawei будзе выкарыстоўвацца ў канструкцыі «некрытычных» кампанентаў сетак сувязі 5G. Маецца на ўвазе, што Huawei не будзе пастаўляць абсталяванне, якое здольнае ідэнтыфікаваць мабільныя прылады і вырашаць, як і куды накіроўваць тэлефонныя званкі і перадаваць дадзеныя.
Супраць супрацы Брытаніі з кітайскай кампаніяй актыўна выступалі ЗША і некаторыя міністры – яны лічылі, што гэта можа стаць пагрозай нацыянальнай бяспекі краіны.
Уцечка выклікала сапраўдны скандал у брытанскіх СМІ, паколькі пасяджэння Рады нацыянальнай бяспекі – месца сустрэчы міністраў, так ці інакш адказных за бяспеку краіны – строга канфідэнцыйныя.
Сам Ўільямсан зняпраўджвае, што быў крыніцай уцечкі. Аднак, як гаворыцца ў лісце прэм’ер-міністра Тэрыса Мэй аб адстаўцы Ўільямсана, «іншы верагоднай версіі таго, як здарылася ўцечка, не ўстаноўлена».
ІІ belsat.eu, паводле Бі-бі-сі