Авігдор Лібэрман падчас спецыяльнага выступу для прэсы паведаміў, што сыходзіць са сваёй пасады. Прычына такога кроку – рознагалоссі ва ўрадзе адносна сітуацыі ў сектары Газа. Міністр абароны выступае супраць перамір’я з «Хамасам» і крытыкуе такі крок ураду.
Лібэрман яшчэ тыдзень таму заклікаў узмацніць жорсткасць дзеянняў супраць «Хамасу».
«З пункту погляду бяспекі, мы павінны былі завяршыць нашы дзеянні ў сектары Газа. Той удар, які мы нанеслі па інфраструктуры тэрору ў Газе, на мой погляд, быў недастатковым. Калі б я застаўся на пасадзе міністра абароны, то не ведаю, як бы я глядзеў у вочы жыхароў поўдня Ізраілю», – адзначыў Авігдор Лібэрман у выступе, які транслявалі ўсе асноўныя тэлеканалы краіны.
Лібэрман таксама заявіў, што «у апошнія месяцы мы [Ізраіль] вядзем вельмі няправільную палітыку». Ён выказаўся таксама за хуткае правядзенне датэрміновых парламенцкіх выбараў.
СК, belsat.eu
