У апублікаваным 30 студзеня каментары пра здарэнне ў гомельскай гімназіі №71 Міністэрства адукацыі заяўляе, што незалежна ад сукупнасці абставінаў рэакцыя педагога на паводзіны школьніцы была недапушчальнай.
Паводле чыноўнікаў, ведамства неаднаразова звяртала ўвагу на недапушчальнасць агрэсіі або гвалту ў дачыненні да непаўналетніх.
Міністэрства нагадаве, што, каб выключыць паўтарэнне падобных негатыўных выпадкаў, педагогам належыць выконваць дакладны алгарытм дзеянняў. Нормы паводзінаў настаўніка прапісаныя, напрыклад, у артыкуле 53 Кодэксу аб адукацыі.
«Настаўнік абавязаны выконваць прававыя, маральныя і этычныя нормы. Таму любы гвалт (фізічны ў выглядзе «разы па карку» або псіхалагічны ў форме нецэнзурных выказванняў) з пазіцыі педагога недапушчальныя», – заяўляюць у міністэрстве.
28 студзеня стала вядома, што настаўніца гімназіі №71 схапіла за вуха вучаніцу трэцяга класу і траўмавала ёй мочку. Дзяўчынка патрапіла ў шпіталь, дзе ёй наклалі швы.
Праз тры дні пасля здарэння бацькі падалі заяву ў міліцыю. Там распавялі «Tut.by», што ладзіцца праверка, прызначаная судова-медычная экспертыза.
Паводле дырэктаркі гімназіі, у справе цяпер разбіраецца Следчы камітэт.
Паводле Мінадукацыі, у школе вядзецца таксама ўнутранае следства, пасля якога кіраўніцтва навучальнай установы прыме адпаведныя рашэнні.
ДД belsat.eu
