Упраўленне крымінальнага вышуку УУС Магілёўскага аблвыканкаму аб’явіла ўзнагароду за дапамогу ў раскрыцці забойства інспектара ДАІ.
Міліцыя просіць адгукнуцца тых, хто бачыў ці мае інфармацыю пра аўтамабіль, у які 16 траўня ў прамежку паміж 17:30 – 18:20 сеў інспектар ДПС ДАІ ў форменным абмундзіраванні ў раёне вуліцы Першамайскай г. Магілёва, а таксама завулку Мігая (гасцініца «Дняпро»).
«Калі вы знаходзіліся ў гэты прамежак часу ў вышэйзгаданым раёне, просім прадставіць нам запісы з відэарэгістратараў», – заклікаюць магілёўскія міліцыянты.
Пры наяўнасці інфармацыі або відэазапісу міліцыянты просяць звязацца з імі па наступных тэлефонах: 8 (029) 314-46-66, 8 (029) 802-46-66, 8 (029) 693-64-25 або па тэлефоне 102.
Праваахоўнікі гарантуюць ананімнасць і ўзнагароду.
Пасля забойства інспектара ДАІ міліцыя ўвяла план «Сірэна». На вуліцах Магілёва ўзмоцненыя нарады ДПС ДАІ.
ЮВ belsat.eu