Вярхоўная Рада Украіны сёння ўхваліла закон, згодна з якім іншаземцы – героі Нябеснай сотні могуць атрымаць ганаровае званне Героя Украіны.
Беларус Міхаіл Жызнеўскі – сярод першых загінулых герояў Нябеснай сотні, застрэленых падчас пратэстаў у Кіеве ў 2014 годзе. Цяпер яго могуць пасмертна уганараваць званнем Героя Украіны.
Міхаіл Жызнеўскі. Воін святла. Дакументальны фільм.
«За здзяйсненне выбітнага геройскага ўчынку, звязанага з адстойваннем канстытуцыйных прынцыпаў дэмакратыі, правоў і свабод чалавека падчас Рэвалюцыі Годнасці (лістапад 2013 года – люты 2014)», – тлумачыцца ў законе.
За адпаведнае рашэнне прагаласавала 235 дэпутатаў, 0 – супраць.
ВЧ, belsat.eu
