Дэпутат Палаты прадстаўнікоў Ігар Марзалюк, які зноў балатуецца ў парламент, падчас сустрэчы з выбарнікамі ў сярэдняй школе №40 Магілёва 5 лістапада расказаў, чым будуць займацца будучыя дэпутаты.
«Задача для парламента – праца над новым варыянтам Канстытуцыі, над новай мадэллю палітычнай сістэмы. Ясна, што ўсё гэта будзе праходзіць праз рэферэндумы», – заявіў Марзалюк, паведамляе mspring.online.
Паводле яго, зараз ужо ёсць 17 розных варыянтаў Канстытуцыйнага акту, які прадугледжвае пераразмеркаванне функцыяў улады. У прыватнасці, запланавана надзяліць большай уладай парламент, які будзе кантраляваць урад.
«Беларуская ўлада, якую абвінавачвалі ва ўсіх грахах, асэнсавана будзе ісці на лібералізацыю», – заявіў дэпутат.
Таксама, адзначыў Марзалюк, прадугледжаныя адміністрацыйна-тэрытарыяльная рэформа і рэформа мясцовага самакіравання.
МГ belsat.eu
