Сёлета мае адбыцца «нармальны паўнавартасны візіт Аляксандра Лукашэнкі ў Еўразвяз». Пра гэта заявіў міністр замежных справаў Беларусі Уладзімір Макей пасля адкрыцця 7 кастрычніка форуму «Менскі дыялог».
«Я спадзяюся, сёлета мы здзейснім нармальны, паўнавартасны візіт, у тым ліку на прастору Еўрапейскага звязу», – сказаў кіраўнік МЗС, паведамляе TUT.by.
Паводле яго, гэты візіт не з’яўляецца самамэтай, а мусіць даць канкрэтныя вынікі «ў плане эканамічнай, гуманітарнай і іншай супрацы».
Ці чакаецца падчас візіту падпісанне пагаднення аб спрашчэнні візавага рэжыму, міністр не адказаў, але заявіў, што «ўсё ў свеце ўзаемазвязана».
МГ belsat.eu