Нікаляс Мадура анансаваў істотныя змены, якія могуць адбыцца ў краіне, калі Вашынгтон правядзе з ім перамовы. Пра гэта кіраўнік краіны заявіў у інтэрв’ю выданню The Washington Post.
«Калі будзе павага паміж урадамі, незалежна ад таго, наколькі вялікія Злучаныя Штаты, і калі будзе дыялог, абмен праўдзівай інфармацыяй, то будзьце ўпэўнены, мы зможам стварыць новы тып узаемаадносінаў», – падкрэсліў кіраўнік Венесуэлы Нікаляс Мадура.
Пры гэтым Нікаляс Мадура адзначыў, што праблемы падчас перамоваў могуць узнікнуць у справе поглядаў на выбары.
«Мне падаецца, нам варта больш думаць пра агульную карціну. Адносіны праз 5-10 гадоў. Адносіны да канца 21 стагоддзя», – адзначыў палітык.
Ужо год у Венесуэле палітычны крызіс. У студзені 2019 году Хуан Гуаідо абвесціў прэзідэнта Нікаляса Мадура ўзурпатарам і назваў сябе выконваючым абавязкі кіраўніка дзяржавы. На думку парламента, такую магчымасць прадугледжвае Канстытуцыя краіны. Гуаідо прызналі выконваючым абавязкі прэзідэнта шэраг краінаў Захаду і ЗША.
СК belsat.eu