Праваахоўныя структуры Беларусі павінныя запэўніць бяспеку грамадзянаў падчас II еўрапейскіх гульняў, аднак дзеяць без празмернасцяў. На гэта кіраўнік Беларусі Аляксандр Лукашэнка звярнуў увагу падчас працоўнай сустрэчы з міністрам унутраных справаў Ігарам Шуневічам, паведамляе прэсавая служба кіраўніка краіны.
«Мяне насцярожвае, што мы, часам не думаючы, дзеля бяспекі або яшчэ чагосьці пачынаем ствараць ці то »канцлагеры«, ці то нейкія» гета« у Беларусі. Сёння гляджу: да праезнай часткі выставілі падмуркавыя блокі – чытай, будзем усталёўваць металічныя агароджы ў межах фанзоны. Гэта нам навошта? Таму за межы пешаходнага тратуару ніхто не можа выходзіць з гэтымі агароджамі і яны павінны быць цывілізаванымі. Мы сёння не ў Сірыі, не ў Лівіі, і ў нас не Ірак, каб усё гэта тварыць. Няхай гэта робяць у краінах дэмакратыі: у Францыі, Нямеччыны, Амерыцы. А ў нас гэтага рабіць не трэба: мы павінны працаваць так, каб людзі маглі вольна мець зносіны ў перыяд Еўрапейскіх гульняў і пасля. Гэта значыць празмернасцяў не павінна быць», – падкрэсліў Аляксандр Лукашэнка.
СК belsat.eu
