Аляксандр Лукашэнка загадаў, каб вайскоўцы былі на парадзе 9 траўня не толькі ў якасці ўдзельнікаў, але і гледачоў. Пра гэта ён заявіў учора пасля цырымоніі закладкі капсулаў з зямлёй у храме-помніку ў гонар Усіх Святых. Эпізод трапіў у сюжэт «Беларусь 1».
Адзін з афіцэраў, які прысутнічаў на цырымоніі, звяртаючыся да Лукашэнкі заўважыў, што вайскоўцы звычайна ў парадзе ўдзельнічаюць, але ў якасці гледачоў іх не запрашаюць. Афіцэр пацікавіўся ў кіраўніка дзяржавы, як ён да гэтага ставіцца?
«Я зразумеў ваш папрок, гэта сапраўды так. Гэта вельмі цікавая думка. Вайскоўцы заўсёды былі галоўнымі дзеючымі асобамі на парадзе. І мы неяк забывалі, што там тысячы людзей застаюцца па-за парадам у тэлевізараў. Ніколі амаль не было іх – радавых, сяржантаў, малодшых афіцэраў – на трыбунах. Мы пастараемся выправіць гэтую сітуацыю», – падкрэсліў Лукашэнка.
Звяртаючыся да кіраўніка Адміністрацыі прэзідэнта Ігара Сяргеенкі, Лукашэнка сказаў: «Трэба вайскоўцаў запрасіць. Нічога страшнага не адбудзецца».
Нагадаем, Лукашэнка 8 траўня таксама заявіў: ён абсалютна перакананы ў тым, што «людзі на парад прыйдуць, і нам не трэба нікога прымушаць».
ІІ belsat.eu
