Аляксандр Лукашэнка 19 снежня падпісаў указ аб змене складу Савету бяспекі Беларусі.
У склад Савету бяспекі ўключаныя новы кіраўнік адміністрацыі Лукашэнкі Ігар Сергяенка і міністр унутраных справаў Юрый Караеў. Наталля Качанава, якая раней узначальвала адміністрацыю прэзідэнта, засталася ў складзе Савету бяспекі, але цяпер у якасці старшыні Савету Рэспублікі Нацыянальнага сходу.
Адначасова са складу Савету бяспекі выключаныя:
– былы міністр унутраных справаў Ігар Шуневіч;
– былы сябра Савету Рэспублікі Міхаіл Мясніковіч;
– былы начальнік Генштабу Алег Белаконеў.
Ігар Шуневіч пайшоў у адстаўку ў чэрвені 2019 года і цяпер ніякіх пасадаў не займае. Мясніковіч нядаўна ўзначаліў калегію Еўразійскай эканамічнай камісіі, а Белаконеў стаў дэпутатам Палаты прадстаўнікоў.
ІІ belsat.eu
