Аляксандр Лукашэнка заяўляе, што Беларусь пакуль спраўляецца з сітуацыяй, выкліканай распаўсюджваннем каронавірус. Пра гэта піша БелТА.
Пра гэта кіраўнік дзяржавы заявіў 17 красавіка падчас працоўнай паездкі ў Гарадзенскую вобласць.
«Самае галоўнае – мы пакуль спраўляемся. Сёння маленькі праменьчык надзеі засвяціўся. Асабліва ў Менску. У нас ужо больш вызвалілася ложкаў, чым мы шпіталізавалі людзей. Самае галоўнае – не дапусцілі ўсплёску», – сказаў ён.
Лукашэнка звярнуўся да старшыні Гарадзенскага аблвыканкаму Уладзіміра Краўцова:
«Па заразе, ведаю, лепш за іншых абласцей выглядаеце. Пакуль малайцы. Але расслабляцца ні ў якім разе нельга. Таму што вы бачыце, што гэты COVID ператварыўся ў палітыку. Я гэтага чакаў».
ІІ belsat.eu