Кіраўнік Беларусі Аляксандр Лукашэнка раніцай 19 сакавіка збірае нараду па эпідэміялагічнай сітуацыі ў краіне.
Пра гэта паведамляе тэлеграм-канал «Пул Первого».
На нараду ў Палацы Незалежнасці запрошаныя лекары-эпідэміёлагі і вірусолагі. Прысутнічаюць міністр аховы здароўя Уладзімір Каранік, кіраўнік адміністрацыі прэзідэнта Ігар Сяргеенка, дзяржсакратар Савету бяспекі Андрэй Раўкоў.
Мэта нарады – «выслухаць усе меркаванні і ацэніць абстаноўку».
«Я склікаў вас сёння, каб абмеркаваць эпідэміялагічную сітуацыю ў Беларусі і зрабіць асаблівы акцэнт на сістэмных мерах па барацьбе з каронавіруснай інфекцыяй». – цытуе Лукашэнку БелТА.
Нагадаем, паводле звестак Мінздароўя, у Беларусі лабараторна пацверджаны 51 выпадак каронавірусу. Ва ўсім свеце ў выніку пандміі захварэлі больш за 200 тысяч чалавек.
КА belsat.eu