Аляксандр Лукашэнка прыняў з справаздачай кіраўніцу Адміністрацыі прэзідэнта Наталлю Качанаву. Сустрэча датычыла працы са зваротамі грамадзянаў, а таксама абмяркоўваліся падрыхтоўка красавіцкага паслання кіраўніка краіны і хада электаральных кампаніяў.
«Усё, пра што мы гаварылі, што абмяркоўвалі публічна і не публічна, павінна быць рэалізавана», – загадаў Аляксандр Лукашэнка.
Кіраўнік краіны пацікавіўся і хадой падрыхтоўкі маючага адбыцца Паслання беларускаму народу і Нацыянальнаму сходу, называючы гэта самай важнай падзеяй вясны, паведамляе прэсавая служба Лукашэнкі.
«Мы дастаткова глыбока ў тэме, нават да дробязяў. Таму трэба прапаноўваць ужо варыянт, каб я мог працаваць далей над гэтым пасланнем, не адкладаючы на доўгі час», – сказаў ён.
Кіраўнік дзяржавы згадаў і будучыя электаральныя кампаніі і падкрэсліў, што наступныя два гады не павінны ўвесці краіну ў нейкія ўзрушэнні, а самі выбары, і адны, і іншыя, павінны прайсці, як свята.
«Але да гэтага трэба падрыхтавацца. У ЦВК усяго некалькі чалавек. Таму гэта ляжа на плечы ўлады, на адміністрацыю. Урад на гэтыя пытанні адцягваць ні ў якім разе нельга. Няхай займаецца эканомікай. Гэта галоўнае. Не трэба гэтага хаваць, мы павінны рыхтавацца да выбараў і прэзідэнцкім, і парламенцкіх », – сказаў Аляксандр Лукашэнка.
СК, belsat.eu
