Кіраўнік Беларусі прыбыў з рабочым візітам у Кыргызстан, дзе прыме ўдзел у саміце Арганізацыі Дамовы аб калектыўнай бяспецы (АДКБ).
Як паведамілі ў Адміністрацыі Аляксандра Лукашэнкі, у аэрапорце Манасу яго сустракаў прэм’ер-міністр Кыргызстану Мухамедкалый Абылгазіеў.
Падчас размовы з ім кіраўнік Беларусі пажадаў, каб «было больш снегу».
На саміце АДКБ пытанні парадку дня будуць разгледжаныя ў вузкім складзе, а затым у фармаце пленарнага пасяджэння з удзелам кіраўнікоў МЗС, Мінабароны і сакратароў саветаў бяспекі.
Аляксандр Лукашэнка 28 лістапада ў сваім выступе на саміце акрэсліць пазіцыю і асноўныя прапановы развіцця і ўмацавання бяспекі.
Таксама ён плануе правесці сустрэчы і перамовы з замежнымі калегамі.
МГ belsat.eu