Хуан Гуаідо выкааў меркаванне, што амаль усё насельніцтва краіны жадае пераменаў, а ў прэзідэнта Нікаляса Мадура практычна не засталося прыхільнікаў. Адпаведную заяву ён зрабіў падчас выступу каля будынку Цэнтральнага універсітэта Венесуэлы ў Каракасе.
«Калі 90 % насельніцтва краіны жадаюць пераменаў, пыха дыктатара Мадура заганяе яго ў кут і адымае ў яго паслядоўнікаў. Рэжым узурпатара з прэзідэнцкага палацу Мірафлорэс не мае адказаў ні на якія праблемы ў краіне», – прыводзіць словы Гуаідо у сваім Twitter венесуэльскі журналіст Габрыэль Басцідас, паведамляе ТАСС.
Лідар апазіцыі таксама дадаў, што не сумняецца ў поспехах пратэстных акцыяў.
«Я абсалютна ўпэўнены, што мы даможамся пераменаў у Венесуэле», – падкрэсліў ён.
Гуаідо таксама заявіў, што прэзідэнты Аргенціны, ЗША і Чылі цалкам падтрымліваюць яго дзейнасць.
«У мяне была вельмі добрая размова з прэзідэнтам ЗША Дональдам Трампам, а таксама прэзідэнтам Аргенціны Маўрысіа Макра і прэзідэнтам Чылі Себасцьянам Піньера. Яны выказалі поўнае падтрыманне і прызнанне нашага кіраўніцтву, што вельмі важна», – сказаў Гуаідо.
Лідар апазіцыі таксама дадаў, што размаўляў з кіраўніком МЗС Вялікай Брытаніі Джэрэмі Хантам.
«Сёння я размаўляў з ангельскай міністрам замежных справаў. Ён вельмі ўважліва ставіцца да сітуацыі і вельмі жадае супрацоўнічаць з намі для аднаўлення дэмакратыі ў Венесуэле», – падкрэсліў Гуаідо.
Акцыі прыхільнікаў апазіцыі адбываюцца ў некалькіх раёнах Каракасу і ў іншых гарадах Венесуэлы.
СК, belsat.eu