Вайну на Данбасе не ўдасца скончыць хутка. Пра гэта ў інтэрв’ю выданню «НВ» заявіў кіраўнік партыі «Слуга народу», якая перамагла ў парламенцкіх выбарах, магчымы будучы спікер Вярхоўнай Рады Украіны Дзмітрый Разумкоў.
«Вядома, ад нас будуць хацець хуткага заканчэння вайны, хоць усе разумеюць, што скончыць хутка яе не атрымаецца, і вырашае гэта зусім не парламент», – адзначыў палітык.
Паводле яго, гэты вялікі шлях «мае прайсці ўся краіна».
Раней Дзмітрый Разумкоў заяўляў, што вярнуць акупаваныя тэрыторыі дапамогуць «пытанні дыпламатыі, санкцыйных ціску, пытанні ўнутранай палітыкі, звязаныя з барацьбой з карупцыяй, з інфармацыйнай палітыкай, з эканомікай, інфраструктурай, сацыяльнай палітыкай. Гэта цэлы комплекс задач, якія трэба будзе выканаць і якія дазволяць хутчэй вярнуць часова акупаваныя тэрыторыі».
МГ belsat.eu
