Заканадаўства Расеі з 2015 году дазваляе грамадзянам краіны аб’яўляць сябе банкрутамі і праходзіць працэдуру неплацежаздольнасці ў судовым парадку. Штогод дзясяткі тысячаў грамадзянаў звяртаюцца ў арбітражныя суды краіны з справай аб гэтай працэдуры.
Паводле судовай статыстыкі, якую ТАСС прывялі ў Вярхоўным судзе Расеі, цягам паўгоддзя сёлета арбітражныя суды разгледзелі справы аб банкруцтве ў дачыненні да 14 тысячаў грамадзянаў. За аналагічны перыяд мінулага года такіх разглядаў было 8,8 тысячаў.
Летась справы аб банкруцтве грамадзянаў складалі 45 % сярод усіх разгледжаных арбітражнымі судамі справаў аб фінансавай неплацежаздольнасці, уключаючы юрыдычных асоб, сёлета за аналагічны перыяд іх колькасць вырасла да 51 %.
За ўвесь мінулы год расейскія суды разгледзелі справы аб банкруцтве ў дачыненні да 21 тысячы грамадзянаў.
СК, belsat.eu
