У выніку ДТЗ, якое адбылося каля вёскі Быстрэц, што ў Верхавінскім раёне ва Украіне, загінулі тры асобы, 9 атрымалі траўмы. Паліцыя высветліла, што 47-гадовы кіроўца аўтамабіля ГАЗ-66 не справіўся з кіраваннем на ўздыме, у выніку чаго аўтамабіль пачаў рух назад і перакуліўся ў раку. Кіроўца – быў у стане алкагольнага апʼянення.
Паліцыя Івана-франкоўскай вобласці адзначае, што наяўнасць крыві ў кіроўцы грузавіка пацвердзіла медычная экспертыза. Кіроўца знаходзіцца ў стане шоку, абышоўся сінякамі.
У грузавіку ў момант ДТЗ 24 чалавекі (23 турысты-замежнікі і 1 кіроўца). Папярэдне вядома, што група турыстаў з Беларусі павінна была ажыццявіць сплаў па рацэ, і на грузавіку накіроўваліся да месца прызначэння.
У выніку аварыі тры асобы загінулі на месцы: 23-гадовая і 28-гадовая грамадзянкі Беларусі і 29-гадовы грамадзянін Беларусі. Яшчэ 9 чалавек ва ўзросце ад 21 да 49 гадоў праходзяць медычнае абследаванне ў Верхавінскім шпіталі з рознымі траўмамі. Іншым пасажырам аказана дапамога на месцы здарэння.
Па факце здарэння распачата крымінальная справа паводле ч. 3 арт. 286 КК (парушэнне правілаў бяспекі дарожнага руху або эксплуатацыі транспарту асобай, якая кіравала транспартным сродкам, што пацягнула гібель некалькіх асобаў). Кіроўцу аўто праваахоўнікі затрымалі. Неўзабаве яму абвесцяць абвінавачванне, а таксама суд вызначыць меру стрымання.
СК belsat.eu