Канец «Чарнобылю». Турысты едуць у Прыпяць, стваральнік серыялу дзякуе па-беларуску

Выйшаў фінальны, пяты эпізод міні-серыялу пра трагедыю на Чарнобыльскай АЭС ад «HBO» і «Sky». Праект, які за пяць тыдняў паспеў абагнаць у рэйтынгу «Гульню тронаў», прынёс папулярнасць не толькі яго стваральнікам.

Поспех амерыканскай кінапрадукцыі пра найгоршую ў свеце ядравую аварыю павялічыў колькасць ахвотнікаў, якія на ўласныя вочы хочуць пабачыць разбураную станцыю і закінутыя тэрыторыі, паведамляе «Reuters».

Паводле турагенцтваў, што займаюцца выездамі ў адселеныя раёны, пасля выхаду серыялу колькасць зарэзерваваных паездак павялічылася на 40 %. Звычайная экскурсія на англійскай мове каштуе каля $ 100 на чалавека.

Аўтар сцэнара «Чарнобылю» Крэйг Мэйзін пасля паказу апошняй серыі «Вечная памяць» напісаў у «Twitter’ы» словы падзякі прыхільнікам і гледачам на розных мовах, у тым ліку па-беларуску.

Яшчэ пра «Чарнобыль» на Belsat.eu

• «Мы не ў стане стрымаць гэтага звера». Як здымалі серыял «Чарнобыль»?
• Выканаўца ролі Лягасава ў серыяле «Чарнобыль»: Цяпер я ведаю пра ЧАЭС значна больш
• Ліквідатары ЧАЭС распавялі, чаго бракуе серыялу «Чарнобыль»
• Святлана Алекcіевіч: Мне шкада, што «Чарнобыль» не знялі нашыя
• Пажарны з серыялу «Чарнобыль». Ці памятаюць беларусы пра свайго земляка?

ДР belsat.eu