Кіраўніца адміністрацыі прэзідэнта Наталля Качанава агучыла пастанову пра тое, што на айчынных тэлеканалах павінна быць не менш за 30 % кантэнту ўласнай вытворчасці.
Пра адпаведнае даручэнне Наталля Качанава паведаміла падчас сустрэчы з працоўным калектывам ААТ «Беларуськалій», піша interfax.by.
«Начальнік аддзелу інфармацыйна-ідэалагічнай працы задала пытанне аб папулярызацыі беларускай мовы на айчынным тэлебачанні. Наталля Іванаўна Качанава пагадзілася з прапановай і нагадала пра тое, што пастаўлена задача аб наяўнасці не менш за 30 % кантэнту айчынных тэлеканалаў на беларускай мове», – сказана ў публікацыі.
У сваю чаргу прэсавая сакратарка кіраўніка краіны Наталля Эйсмант у каментары радыё «Свабода» звярнула ўвагу, што словы Качанавай былі не карэктна інтэрпрэтаваныя. Гаворка ідзе выключна аб нацыянальным кантэнце, а не аб мове тэлепраграмаў. Разам з гэтым, паводле Эйсмант, можна разлічваць, «што беларуская мова будзе выкарыстоўвацца часцей». Але ніякіх моўных квотаў для дзяржаўных тэлеканалаў на афіцыйным узроўні не прапісана.
СК, belsat.eu
