Праваахоўныя органы праводзяць разбіральніцтва, каб даць прававую ацэнку дзеянням мастака Аляксея Кузьміча, які распрануўся на сваёй выставе на знак пратэсту супраць цэнзуры. Пра гэта паведамілі ў Нацыянальным цэнтры сучаснага мастацтва.
У НЦСМ адзначаюць, што дзеянні мастака абражаюць Міністэрства культуры Беларусі і «пацягнулі значную шкоду дзелавой рэпутацыі цэнтру».
«Нацыянальны цэнтр заяўляе аб поўнай недатычнасці да дадзенай акцыі, і рэзка асуджае любыя дзеянні і акцыі, якія праяўляюць цынічную непавагу да грамадства і яго дзяржаўных інстытутаў», – гаворыцца ў паведамленні НЦСМ.
3 кастрычніка ў Нацыянальным цэнтры сучасных мастацтваў Беларусі мастак Аляксей Кузьміч зладзіў перформанс. Ён прыйшоў на адкрыццё выставы цалкам голы, з шыльдай «Міністэрства культуры» на палавым органе.
Такім чынам Кузьміч выказаў пратэст супраць цэнзуры, з якой сутыкаецца мастак пры намеры дэманстрацыі свайго мастацтва на пляцоўках дзяржаўных арт-інстытуцыяў.
МГ belsat.eu