Ва ўпраўленні гандлю і паслугаў Менгарвыканкаму распавялі пра колькасць пратаколаў за нелегальны гандаль.
За 11 месяцаў гэтага году ў Менску склалі 1642 пратаколы за нелегальны гандаль – гэта ўдвая больш у параўнанні з такім жа перыядам мінулага году.
Адказнасць за такое парушэнне прадугледжвае арт. 12.17 Кодэксу аб адміністратыўных правапарушэннях Беларусі. Адметна тое, што летась большасць пратаколаў складалі паводле часткі 8 артыкулу, якая прадугледжвае штрафы да 8 базавых велічыняў, сёлета ж большасць пратаколаў склалі паводле часткі 10, згодна з якой штраф складае ад 5 да 50 базавых велічыняў.
Як адзначае інфармацыйны партал «Менск-Навіны», за нелегальных гандляроў штрафуюць і менскія суб’екты гаспадарання, на тэрыторыі якіх адбываецца гандаль.
Глядзіце таксама:
НМ, belsat.eu, фотаздымак ТАСС
