Кампаніі групы «Сафмар», падкантрольнай расейскаму бізнесоўцы Міхаілу Гуцырыеву, плануюць паставіць у сакавіку ў Беларусь больш 300 тысячаў тонаў нафты, распавяла «Tut.by» крыніца, знаёмая з планамі кампаніі.
«У планах – 300 тысяч тон па «трубе» на Наваполацк», – распавёў суразмоўца.
Паводле крыніцы, фірмы Гуцэрыева збіраюцца паставіць таксама пэўную колькасць нафты чыгуначным транспартам, але аб’ёмы не ўдакладніў.
Паводле «Белнафтахіму, у сакавіку апроч «Сафмара» нафту на беларускія НПЗ паставяць яшчэ пяць расейскіх фірмаў.
Таксама вядома, што «Белнафтахім» чакае на пастаўку 160 000 тонаў нафты ад азербайджанскай кампаніі «Socar», якую ў Беларусь паставяць праз Украіну.
У студзені–лютым нафту ў Беларусь пастаўлялі кампаніі расейскага алігарха Міхаіла Гуцэрыева, якога звязваюць сяброўскія адносіны з Аляксандрам Лукашэнкам. Беларусь таксама закупіла 86 тысяч тон нарвежскай нафты.
Апошнія два месяцы айчынныя НПЗ працавалі працуюць на палову сваёй магутнасці ў сувязі з адсутнасцю доўгатэрміновых кантрактаў з расейскімі пастаўшчыкамі.
Беларускія НПЗ за два першыя месяцы гэтага года перапрацуе каля 1,8 млн тон нафты, хаця першапачаткова планавала каля 4 млн тон.
ДД belsat.eu