Фільм «Стрыптыз і вайна», зняты пры ўдзеле «Белсату», перамог на фестывалі ў Нямеччыне
Стужка атрымала ўзнагароду ад міжнародных кінакрытыкаў у дакументальным кіно на фестывалі goEast Film Festival.
Менавіта ў Нямеччыне адбыўся прэм’ерны паказ аднаго з найбольш пакутных праектаў у жыцці рэжысёра.
Адметна, што секцыя галоўнага конкурсу ўключала поўнаметражныя ігравыя і дакументальныя стужкі, не падзяляючы іх на розныя катэгорыі.
«Кінафестываль «goEast» у Вісбадэну факусуецца на кінематографе Усходняй і Цэнтральнай Еўропы. Адметна, што ў галоўным конкурсе дакументальныя стужкі на роўні прадстаўлены з ігравымі (гульнявымі) і не выдзяляюцца ў асобную катэгорыю. З аднаго боку, гэта цешыць, бо такім чынам даказваецца, што мова кіно ўніверсальная.
З іншага, прэтэндаваць на ўзнагароды разам з удзельнікамі Каннаў, Берлінале і г.д., цяжкавата. Таму прыз ад міжнароднай федэрацыі кінакрытыкаў FIPRESCI для нас вельмі каштоўны. Гэта першы фестываль, дзе »Стрыптыз і вайну« паказалі. Мы адчувалі захапленне публікі стужкай падчас прагляду і сустрэч».
Напрыканцы красавіка фільм едзе на самы буйны фестываль дакументальнага кіно Паўночнай Амерыкі «Hot Docs».
Фільм будзе прэзентаваны ў праграме «World Showcase», у якой удзел бяруць найлепшыя негульнявыя фільмы з усяго свету з магчымасцю атрымаць прыз глядацкіх сімпатыяў.
Праца над фільмам цягнулася 4 гады.
Працы беларускага рэжысёра Андрэя Куцілы не раз перамагалі ў прэстыжных конкурсах.
Глядзіце стужкі Андрэя Куцілы на нашай старонцы:
Поўны спіс фільмаў і рэпартажаў Андрэя Куцілы
ДР belsat.eu
