Чарговы банк у Беларусі зоймецца падтрыманнем малога і сярэдняга бізнесу. «Банк Дабрабыт» атрымаў крэдытную лінію ў памеры 11 мільёнаў рублёў з боку Еўрапейскага банку рэканструкцыі і развіцця, паведамляе БелТА.
Крэдытнае пагадненне падпісана ў Менску падчас візіту першага віцэ-прэзідэнта ЕБРР Юргена Рыгтэрынка. Паведамляецца, што крэдыты ў беларускіх рублях дазволяць малому і сярэдняму бізнесу пазбегнуць валютнай рызыкі і прадугледжваюць больш працяглыя тэрміны пагашэння ў параўнанні з іншымі крэдытамі, што існуюць на рынку.
23 лістапада падобная крэдытная лінія з такой жа самай мэтай была выдзелена і «Беларусбанку». Еўрапейскі інвестыцыйны банк выдзеліў «Беларусбанку» крэдыт у памеры 85 млн еўраў для фінансавання суб’ектаў малога і сярэдняга бізнесу.
СК belsat.eu
