Спявак Дзмітрый Калдун на сваёй старонцы ў Instagram распавёў пра інцыдэнт, што адбыўся з ім падчас гастроляў. У якасці ілюстрацыі спявак выклаў фота, на якім ён з падбітым вокам. Тлумачыць спявак гэта тым, што ў адным з раённых гарадоў спявак спрабаваў выканаць у караоке сваю песню «Караблі». І пасля гэтага напісаў, што вельмі ўдзячным слухачам.
У сваім Instagram Дзмітрый Калдун апублікаваў фоты пасля інцыдэнту. Відаць, што артыст з падбітым вокам і сцёртымі косткамі пальцаў.
«Гастролі па Беларусі ў самым разгары. Учора паспрабаваў праспяваць «Караблі» у караоке ў правінцыйным гарадку. Дзякуй удзячным слухачам», – падпісаў фота спявак
PR-менеджар Дзмітрыя Калдуна Юлія Сажына звяртае ўвагу, што насамрэч у допісе няма аніякай інфармацыі пра бойку. Але кажа, што насамрэч трэба ўмець чытаць паміж радкоў.
«Падчас канцэрту ў Дзятлава раптам выключылася электрычнасць. Дзмітрый, ідучы да свайго аўто, паслізнуўся і атрымаў траўму. Ужо наступны канцэрт Дзмітрый адпрацаваў на пігулках, цалкам верагодна, што ў спевака можа быць дыягнаставана страсенне мозгу. Адпаведна, сіняк гэта вытворчая траўма. А ў Дзмітрыя з пачуццём гумару ўсё ў парадку», – распавяла «Белсату» Юлія Сажына.
СК belsat.eu