Расейскі актор, рэжысёр і шоўмен Мікіта Джыгурда захацеў пасяліцца ў Беларусі. Пра гэта ён заявіў у эфіры тэлеканалу АНТ.
Скандальна вядомы актор адзначыў, што нядаўна адкрыў для сябе творчасць Янкі Купалы і стаў ягоным аматарам. Паводле яго, гэта паэт сусветнага ўзроўню. Цяпер ён хоча запісаць некалькі песень па-беларуску і нават пераехаць у Беларусь.
«Хачу, хачу від на жыхарства ў Рэспубліку Беларусь», – раптам сказаў ён.
Джыгурда прыгадаў, што свой першы фільм зняў менавіта ў Беларусі. Таксама адсюль паходзяць ягоныя кума і бабуля.
МГ belsat.eu