Ён патлумачыў, што хацеў стаць знакамітым, паведамляе прэс-служба МУС.
Некалькі дзён таму ў сацсетках з’явілася відэа. На ім было бачна, як падлетак у падпаленай вопратцы нясецца да вадаёму. Відэа было знятае ў Гомлі. Мясцовая міліцыя хутка высветліла ягоную асобу.
Хлапцу 17 гадоў, ён вучыцца ў мясцовым ліцэі і патлумачыў міліцыянтам, што хацеў такім чынам праславіцца.
Аднак з першай спробы дабегчы да вады не атрымалася – агонь пагас раней. Зрабіць эфектнае відэа ўдалося толькі на 5 раз.
Зараз у дачыненні да хлопца складзены адміністрацыйны пратакол за дробнае хуліганства. Раней ён прыцягваўся да адказнасці за ўжыванне спіртных напояў у грамадскім месцы.
КТ belsat.eu