Прэзідэнт ЗША Доналд Трамп абвесціў, што ў межах захадаў па спыненні распаўсюду каронавірусу, на 30 дзён прыпыняецца большасць паездак з Еўропы ў ЗША. Абмежаванні не распаўсюджваюцца на Брытанію, паведамляе выданне «The New York Times».
Абмежаванні на наведванне ЗША для Еўропы распачнецца з пятніцы 13 сакавіка, адзначыў у сваім выступе Доналд Трамп.
Прэзідэнт ЗША заявіў, што ўсе паездкі з Еўропы будуць прыпыненыя на месяц з мэтай барацьбы з распаўсюдам каронавірусу. Выключэнне зрабілі толькі для Вялікай Брытаніі, а таксама для некаторых амерыканцаў, якія павінны будуць прайсці абследаванне перад паездкай.
«Гэта не фінансавы крызіс. Гэта проста часовы момант, які мы пераадолеем як нацыя і свет», – адзначыў Доналд Трамп.
Пазней Дзярждэп ЗША рэкамендаваў амерыканцам «перагледзець вандроўкі» па ўсіх краінах праз глабальнае ўздзеянне каронавіруса.
Прэзідэнт ЗША яшчэ напярэдадні заклікаў амерыканцаў захоўваць спакой і казаў, што вірус неўзабаве сыдзе.
Усяго ў свеце па стане на 12 сакавіка зарэгістравана 126 136 інфікаваных на каронавірус. Інфекцыя забрала жыцці 4 630 чалавек. Пры гэтым лекары вылечылі 68 219 асобаў, якія ачунялі пасля заражэння на каронавірус.
CК belsat.eu