У Менску да Міжнароднага дня роднай мовы адбудзецца шматтысячны «MovaFest». Пра гэта ў Facebook паведаміў дырэктар і заснавальнік «Symbal.by» Павел Белавус.
Прыйшоў час сказаць, што ў гэтым годзе да Міжнароднага дня роднай мовы адбудзецца шматтысячны MovaFest.Зараз ужо…
Opublikowany przez Pavela Belavusa Czwartek, 16 stycznia 2020
«MovaFest» – вялікае і ўнікальнае мерапрыемства, якое аб’яднае бізнесоўцаў, грамадскіх актывістаў, творчую інтэлігенцыю і проста актыўных жыхароў Беларусі вакол адной тэмы – родная беларуская мова», – заяўляюць арганізатары.
Фестываль пакажа і раскажа пра зʼявы, крэатыўныя прадукты і рэчы, якія ствараюцца па-беларуску ці з выкарыстаннем беларускай мовы.
«MovaFest» адбудзецца ў пляцоўцы «Ок16» на вуліцы Кастрычніцкая. Яго запланаваная працягласць – 10 гадзін.
Зараз арганізатары вядуць перамовы з гуртамі, якія возьмуць удзел у імпрэзе. Поўную праграму фэсту плануецца прэзентаваць праз 10 дзён.
МГ belsat.eu