Начальнік службы адной з механізаваных частак, маёр І. Свірыд, здзейсніў суіцыд. Інфармацыю афіцыйна пацвердзіла Міністэрства абароны.
Як раней паведамляў тэлеграм-канал NEXTA, афіцэр застрэліўся 9 чэрвеня ў Заслонаве з табельнага пісталету. Прычынай нібыта магло стаць знікненне са складу вайсковай часткі некалькіх баявых гранат.
Прэс-сакратар Мінабароны Наталля Гаўрусік у фэйсбуку пацвердзіла суіцыд Свірыда, аднак зняпраўдзіла звесткі пра знікненне боепрыпасаў.
«Прычыны ўчынку, калі гэта будзе магчыма, установяць спецыялісты», – напісала яна.
Мінабароны прыносіць спачуванні сям’і загінулага і абяцае дапамагчы ім.
КА belsat.eu