Акрамя групы кампаніяў «Сафмар» нафту без прэміі ў Беларусь будуць пастаўляць яшчэ пяць расейскіх кампаніяў, паведаміў прэс-сакратар канцэрну «Белнафтахім» Аляксандр Цішчанка.
«Гэтыя кампаніі – новыя пастаўшчыкі, з якімі мы яшчэ не працавалі. Гэта значыць разам з «Сафмарам» на I квартал у нас 6 кампаніяў, якія будуць з намі працаваць па рынкавых коштах без прэміі», – цытуе Аляксандра Цішчанку belta.by.
Прадстаўнік канцэрну не назваў новых пастаўшчыкоў. Але гэта дакладна не кампаніі з гэтак званай «вялікай пяцёркі» («Роснефть», «Лукойл», «Сургутнефтегаз», «Газпром нефть», «Татнефть»).
Вядома, што «Белнафтахім» чакае пастаўку 160 000 тонаў нафты ад азербайджанскай кампаніі «Socar». Нафту паставяць праз Украіну.
У студзені–лютым нафту ў Беларусь пастаўлялі кампаніі расейскага алігарха Міхаіла Гуцэрыева, якога звязваюць сяброўскія адносіны з Аляксандрам Лукашэнкам. Апошнія два месяцы айчынныя НПЗ працавалі з загрузкай у 50 %.
ЮВ belsat.eu
