Летась амаль 138 тысячаў беларусаў атрымалі свой першы дазвол на жыхарства ў краінах Еўразвязу. 90 % з іх – амаль 127 тысячаў асобаў – звярнуліся па такі дакумент у Польшчы, падае Еўрастат.
На другім месцы – Літва (3500 чалавек) і Чэхія (1900).
Сярод атрымальнікаў дазволаў на жыхарства ў ЕЗ лідаруюць грамадзяне Украіны (527 тыс. чалавек), Кітаю (206 тысячаў), Індыі (197 тысячаў) і Сірыі(174 тысячы). Нашыя суайчыннікі – на пятым месцы.
Краіны Еўразвязу найчасцей выдаюць від на жыхарства праз сямейныя прычыны заяўнікаў (28 %), працу (27 %) і вучобу (20 %) і «па іншых прычынах» – напрыклад, як уцекачы або для міжнароднай абароны (каля 20 %).
Беларусаў на гэтым фоне адрознівае тое, што самай частай прычынаю для атрымання віду на жыхарства яны пазначаюць «іншую» – у 73,5 % выпадкаў.
101 210 беларусаў (19,5 %) атрымалі від жыхарства праз працу, 5914 (4,3 %) – вучобу, 3719 (2,7 %) – па сямейных прычынах.
ДД belsat.eu