Гарадзенскія памежнікі перадухілілі дзве спробы парушэння дзяржаўнай мяжы грамадзянамі Расеі. Пра гэта паведамілі ў Дзяржаўным памежным камітэце.
Раніцай 19 снежня ў Свіслацкім раёне памежнікі выявілі дваіх грамадзянаў Расеі 33-х і 34-х гадоў, якія ішлі ў бок Польшчы. Паколькі яны не выканалі патрабаванні праваахоўнікаў, пры затрыманні памежнікі ўжылі зброю.
У затрыманых расейцаў канфіскавалі смартфоны з пракладзенымі маршрутамі ў Польшчу, компас, два паляўнічыя нажы, ліхтар, грошы і пашпарты. Яны заявілі, што накіроўваліся ў Францыю, а візаў не мелі.
А 21 снежня ў Гарадзенскім раёне памежнікі затрымалі 38-гадовага грамадзяніна Расеі, які таксама хацеў патрапіць у Еўразвяз. У яго канфіскавалі два смартфоны, абцугі, кусачкі, нож, газавую гарэлку і зменныя рэчы.
Затрыманым пагражае дэпартацыя з забаронай уезду ў Беларусь да 5 гадоў.
МГ belsat.eu