Сярод 60 краінаў свету, эканомікі якіх лічацца інавацыйнымі, Беларусі няма. Пры гэтым у сусветны рэйтынг, паводле Bloomberg, уваходзяць усе нашыя суседзі.
Спіс быў абнародаваны Bloomberg напярэдадні Сусветнага эканамічнага форуму ў Давосе, піша thinktanks.by.
Самай інавацыйнай эканомікай свету ў бягучым годзе Bloomberg назваў Паўднёвую Карэю. Першае месца ў рэйтынгу гэтая краіна заняла ўжо ў шосты раз.
На другім месцы апынулася Нямеччына, на трэцім – Фінляндыя. На чацвёра і пятым месцах размясціліся Швейцарыя і Ізраіль.
Суседняя з Беларуссю Польшча заняла 22-ю пазіцыю, Расея – 27-ю, Літва – 37-ю, Латвія – 42-ю, а Украіна – 53- пазіцыю.
У рэйтынгу Bloomberg аналізаваліся дзясяткі крытэраў, паводле сямі паказнікаў, сярод якіх выдаткі на даследаванні і распрацоўкі, вытворчыя магутнасці і канцэнтрацыю высокатэхналагічных кампаніяў, а таксама якасць адукацыі.
СК, belsat.eu