Беларусь адмовілася ад экспарту ўласнай нафты на карысць айчынных НПЗ

«Беларуснафта» у студзені прыпыніла экспарт нафты, якая здабываецца ў Беларусі, каб загрузіць сыравінай айчынныя НПЗ, паведамляе Reuters са спасылкай на чатыры крыніцы ў гандлёвых колах.

Беларусь традыцыйна набывае расейскую сыравіну для перапрацоўкі на сваіх заводах, а практычна ўсю ўласную нафту, якая здабываецца, адпраўляе на экспарт. Па выніках 10 месяцаў 2019 года Беларусь экспартавала 1,372 млн тонаў нафты на 601,8 млн долараў, сведчаць дадзеныя Белстат.

«Не дай бог, няслушны крок – мы згубім усё». Лукашэнка пра незалежнасць і кошты на нафту

У 2019 годзе «Беларуснафта» правяла тэндар на продаж 1,66 мільёна тон нафты з прапампоўкай па нафтаправодзе «Дружба» у Нямеччыну або Польшчу ў 2020 годзе, піша Reuters. Паводле звестак трэйдараў, пераможцам, як і годам раней, стала гандлёвае падраздзяленне «Роснефти» Rosneft Trading, якое накіроўвае сыравіну на свой НПЗ PCK Raffinerie GmbH у Нямеччыне.

Нагадаем, з 1 студзеня 2020 году Расея спыніла пастаўкі сырой нафты на беларускія НПЗ, бо кіраўнікі дзяржаў не дамовіліся па коштах.

Як стала вядома, кампаніі групы «Сафмар», падкантрольнай алігарху і сябру Аляксандра Лукашэнкі Міхаілу Гуцэрыеву, пагадзіліся пастаўляць сыравіну ў Беларусь: у студзені гаворка ідзе пра 750 тысяч тон нафты.

Кампаніі алігарха Гуцэрыева будуць пастаўляць нафту ў Беларусь

КА belsat.eu

Hавiны