На чале Міністэрства энергетыкі стаў Віктар Каранкевіч.
31 жніўня Аляксандр Лукашэнка разгледзеў кадравыя пытанні, зрабіўшы шэраг новых прызначэнняў. Між іншага, кіраўнік Беларусі прызначыў дзвюх новых міністраў – фінансаў і энергетыкі.
Першым стаў Максім Ермаловіч, які служыць у Міністэрстве фінансаў ужо 16 гадоў, з іх чатыры апошнія – на пасадзе першага намесніка міністра.
Віктар Каранкевіч узначаліць Міністэрства энергетыкі, якое не мела кіраўніка чатыры месяцы: папярэдняга міністра, Уладзіміра Патупчыка, кіраўнік Беларусі вызваліў ад пасады 2 траўня.
Каранкевіч скончыў Інстытут сучасных ведаў, БНТУ і Акадэмію кіравання пры кіраўніку Беларусі. У Міністэрстве энергетыкі – з 2006 года, летась стаў першым намеснікам міністра. 1 жніўня Віктару Каранкевічу споўнілася 42 гады.
ДД
