Былы кіраўнік «Белгазпрамбанку» Віктар Бабарыка напісаў у сваім фэйсбуку, што ў ягоную ініцыятыўную групу запісаліся 5500 чалавек. Паводле яго, дасягнутая першая пастаўленая мэта.
Бабарыка, які абвясціў аб сваім намеры балатавацца ў прэзідэнты, збіраецца падаць дакументы ў ЦВК 15 траўня – у апошні дзень рэгістрацыі.
«Тое, што зрабілі вы – ужо стала часткай новай гісторыі нашай роднай краіны! Ніводная выбарчая кампанія ў Беларусі не паказвала такіх вынікаў на старце», – звярнуўся ён да сваіх прыхільнікаў.
Усяго за папярэднія 4 дні ў ЦВК падалі дакументы 34 асобы.
КА belsat.eu