Мар’яна Шчоткіна падала заяву аб вызваленні яе з пасады намесніка старшыні Савету Рэспублікі, падае БелТА.
Выступаючы перад сенатарамі, віцэ-спікер вышэйшай палаты парламенту заявіла, што ў лістападзе распачне новую працу.
«На двух крэслах, натуральна, усядзець нельга, таму я звярнулася з просьбай вызваліць мяне ад пасады«, – сказала Шчоткіна,
Рашэнне аб вызваленні Шчоткінай ад пасады сенатары прынялі праз тайнае галасаванне.
Яна застанецца чальцом Савету Рэспублікі да канца склікання. Шчоткіна – чалец Сталай камісіі па міжнародных справах і нацыянальнай бяспецы.
У 2009–2017 гадах Мар’яна Шчоткіна кіравала Міністэрствам працы і сацыяльнай абароны.
У 2015-м стала ініцыятаркай «падатку для дармаедаў». У 2016-м Мар’яна Шчоткіна заявіла, што ў Беларусі непазбежнае падвышэнне пенсійнага ўзросту.
За яе гады ў крэсле міністра працы Беларусь аказалася ў дзясятцы краінаў з найгоршымі ўмовамі працы.
Пазалетась у адным з менскіх двароў з’явілася «сцяна Шчоткінай», на якой ананімныя вулічныя мастакі змяшчаюць аплікацыі і графіці на вострасацыяльныя тэмы.
ДД belsat.eu