Цяпер у расейскай сацыяльнай сетцы «Аднакласнікі» можна беларусізаваць інтэрфейс. Праўда, беларуская мова пакуль не вельмі папулярная ў «ОК». Belsat.eu удалося знайсці толькі ТРЫ больш-менш уплывовыя(?) беларускамоўныя паблікі ў самай папулярнай сацсетцы ў Беларусі, калі не ўлічваць СМІ.
Агульная аўдыторыя гэтых суполак каля 19 000 чалавек.
Беларускамоўныя медыі маюць у «Аднакласніках» аўдыторыю ў 140 000 інтэрнэт-карыстальнікаў. 45 000 з іх падпісаныя на суполку «Белсату».
Беларусь – другая краіна пасля Расеі па колькасці карыстальнікаў «ОК». Штомесяц сацыяльную сетку наведваюць 2,7 млн карыстальнікаў з нашай краіны – амаль кожны трэці жыхар.
Самы просты спосаб.
1 Націсніце на свой аватар і націсніце на поле, дзе пазначаная мова
2 Абярыце беларускую мову ў акенцы, якое з’явіцца на экране
Гатова!
ЮВ belsat.eu