Гэта – вынік трохгадовай працы спадарожніка Gaia.
Еўрапейскае касмічнае агенцтва апублікавала найбольш дэталёвую карту Млечнага шляху і суседніх галактык. Выяву змантавалі з кадраў, зробленых спадарожнікам Gaia цягам 1000 дзён.[/vc_column_text][vc_single_image image=”285421″ img_size=”large”][vc_column_text]Спампаваць мапу ў вялікім памеры можна на старонцы ЕКА.
У сярэдзіне мапы – так званая галактычная плоскасць Млечнага шляху, дзе засяроджаная большасць зорак. Дзе белы колер ярчэй – там больш зорак. Чорны колер пасярод навалы зорак – гэта міжзоркавае асяроддзе.
Справа ўнізе паказаныя Магеланавыя аблокі – дзве галактыкі, якія круцяцца вакол Млечнага шляху. А злева можна разглядзець галактыку Андрамеды, найбліжэйшую да Млечнага шляху вялікую галактыку.
Спадарожнік Gaia запусцілі ў 2013 годзе. У яго задачы ўваходзіць стварэнне найбольш падрабязнай карты размеркавання зорак у Млечным шляху, а таксама адкрыццё экзапланетаў.
