Амерыканскія памежнікі.
Фота: cbp.gov
Грамадзяніна Расеі, якога падазраюць у незаконным перасячэнні мяжы паміж Мексікай і ЗША, параніў амерыканскі памежнік. Пра гэта паведамляе Памежна-мытная служба ЗША.
Інцыдэнт здарыўся ўвечары 14 лістапада паводле мясцовага часу на ўсход ад Люквіла, штат Арызона. Калі расейца паспрабавалі затрымаць, адбылася фізічная сутычка, і памежнік стрэліў з агнястрэльнай зброі, патрапіўшы ў падазраванага.
Hавiны
Прыхільнікі Трампа самастойна будуюць сцяну ўздоўж мяжы з Мексікай
2019.05.29 08:37
Пацярпелага даставілі верталётам у лякарню гораду Фінікс. Яго жыццю нічога не пагражае.
Памежнік не атрымаў сур’ёзных раненняў у сутычцы.
Генеральнае консульства Расеі ў Г’юстане паведамляе, што затрыманы знаходзіцца ў больніцы гораду Гуд’ер.
Парушальніку 37 гадоў, яго клічуць – Яўген Глушчанка, піша РИА «Новости».
МГ belsat.eu
