Фотаздымак яйка ў Instagram-акаўнце «world_record_egg», апублікаваны 14 студзеня, сабраў амаль 50 мільёнаў лайкаў і стаў самым папулярным за ўвесь час існавання гэтай сацсеткі. Праз пяць дзён, 19 студзеня, аўтары апублікавалі другі здымак – яйка з расколінай. Ім удалося сабраць 4 мільёны лайкаў за 10 гадзін.
Вядома, што здымак яйка зрабіў расейскі фатограф Сяргей Платонаў. А вось адміны акаўнта – не. У размове з esquire.com Платонаў сказаў, што не ведае, хто мог апублікаваць ягоны фотаздымак.
Аўтар допісу распавёў выданню «Independent», што ён(яна) жыве ў Лондане. А «BuzzFeed News» стваральнік акаўнту заявіў, што «Instagram’ам» займаецца курыца Генрыета.
ЮВ, belsat.eu