Ад выбуху ў Ліёне пацярпелі 13 чалавек. Апублікаванае фота падазраванага ў тэракце

Ахвярамі выбуху 24 траўня ў французскім Ліёне сталі 13 чалавек, у тым ліку дзіця. Большасць атрымалі лёгкія раненні ног, паведамляе «Голос Америки».

Камеры назірання зафіксавалі, як мужчына 30-35 гадоў еўрапейскай або паўночнаафрыканскай знешнасці прыехаў на месца здарэння на ровары ды пакінуў на пешаходнай вуліцы заплечнік, які затым выбухнуў.

Яго твар быў часткова схаваны шалікам і цёмнымі акулярамі.

Прэзідэнт Францыі Эманюэль Макрон назваў выбух – «атакай». У краіне ўзмоцнены рэжым бяспекі.

МГ belsat.eu